Braziliyanın San-Paulu əyalətində leysan yağışların səbəb olduğu sel və torpaq sürüşmələri nəticəsində 40 nəfər ölüb.

"Operativ Media" xəbər verir ki, San-Paulu qubernatoru Tarçisio Qomes de Freitas açıqlamasında bildirib ki, güclü yağışlar nəticəsində Ubatuba, San Sebastiao, İlhabela, Karaquatatuba və Bertioqa əyalətlərində fövqaladə vəziyyət elan edilib.

Freitas sel və torpaq sürüşmələri səbəbindən 228 nəfərin təxliyə edildiyini, 338 nəfərin evsiz qaldığını, 40 nəfərin həyatını itirdiyini açıqlayıb.