Bu gün Basketbol üzrə Azərbaycan Liqasının final seriyası davam etdirilib.

Operativ Media xəbər verir ki, seriyanın üçüncü oyununda “Sabah” “Neftçi”ni qəbul edib. Matç "ağ-qaralar"ın qələbəsi ilə yekunlaşıb.

Xatırladaq ki, qalib, seriyada ilk dəfə dörd qələbə qazanan komanda olacaq.

Azərbaycan Basketbol Liqası 

Final mərhələsi, 3-cü oyun

6 may

19:00 "Sabah" – "Neftçi" - 76:79 (9:26, 32:16, 19:20, 16:17)

Bakı, İdman Sarayı. Seriyanın hesabı 2:1.

Qonaq komanda üçün matçın oyunçusu 28 xal toplayan Braudon Suqqs olub. 

Seriyanın növbəti oyunu mayın 8-də baş tutacaq.

Saat 19:00 "Neftçi" - "Sabah"

Bakı, İdman Sarayı.