“Oliver Wyman” şirkəti ilə dövlət borcunun idarə olunması sahələrində əməkdaşlıq imkanları müzakirə olunub

Aprelin 10-da Azərbaycan Respublikası Maliyyə Nazirliyi yanında Dövlət Xəzinədarlıq Agentliyinin direktoru Nazim Qasımzadə “Oliver Wyman” beynəlxalq məsləhətçi şirkətinin Azərbaycan üzrə rəhbəri Camal İsmayılov ilə görüşüb.

Operativ Media xəbər verir ki, bu barədə Maliyyə Nazirliyindən məlumat verilib.

Görüşdə dövlət maliyyəsinin idarəedilməsi, büdcə planlaşdırılması və icrası, vergi siyasəti, rəqəmsal maliyyə texnologiyaları və dövlət borcunun idarə olunması sahələrində əməkdaşlıq imkanları müzakirə olunub.

C.İsmayılov “Oliver Wyman” şirkətinin maliyyə və iqtisadiyyat sahəsində geniş təcrübəsindən bəhs edib, Azərbaycandakı ofisin şirkətin MDB və Orta Asiya ölkələrində həyata keçirilən layihələrinin regional ofisi olduğunu bildirib.

N.Qasımzadə Maliyyə Nazirliyinin dövlət maliyyəsinin idarəedilməsi sahəsində aparılan islahatlara, həyata keçirilən layihələrə “Oliver Wyman” şirkətinin ekspertlərinin cəlb edilməsində maraqlı olduğunu diqqətə çatdırıb.

Görüşdə tərəflər arasında əməkdaşlığın qurulması və qarşılıqlı maraq doğuran məsələlərə dair geniş fikir mübadiləsi aparılıb.