FHN Daşkəsəndəki ağır yol qəzası ilə bağlı məlumat yayıb - YENİLƏNİB

Fövqəladə Hallar Nazirliyi (FHN) Daşkəsəndəki ağır yol qəzası ilə bağlı məlumat yayıb.

Nazirlikdən "Operativ Media"a bildirilib ki, Böhran Vəziyyətlərində İdarəetmə Mərkəzinə Daşkəsən rayonunda yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

Məlumatla əlaqədar FHN-nin Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunublar.

Əməliyyat şəraiti qiymətləndirilərkən müəyyən olunub ki, “Ural” markalı yanacaq daşıyan avtomobil dərəyə aşıb, 2 nəfər köməksiz vəziyyətdə qalıb.

"Həyata keçirilən xilasetmə tədbirləri nəticəsində sıxılmış vəziyyətdə qalan 2 nəfərin meyiti çıxarılaraq aidiyyəti üzrə təhvil verilib", - məlumatda qeyd olunub.

18:30

Daşkəsən rayon Qoşqar dağı ərazisində “Ural” markalı yanacaq daşıyan avtomobilin aşması barədə Daşkəsən Rayon Polis Şöbəsinə məlumat daxil olub.

DİN-in Mətbuat Xidmətinin Gəncə regional qrupunun baş inpektoru, polis mayoru Eşqin Qasımov "Operativ Media"a bildirib ki, polis əməkdaşları hadisə yerinə gələrək müvafiq araşdırmalar aparıb.

Araşdırmalar zamanı məlum olub ki, sürücü 58 yaşlı Daşkəsən rayon sakini Fəxrəddin Həsənovun idarəetməni itirməsi nəticəsində avtomobil aşmış hadisə nəticəsində sürücü və 27 yaşlı Laçın rayon sakini Orxan Səmədov ölüb.

Faktla bağlı araşdırmalar davam etdirilir

18:05

Daşkəsəndə 2 nəfərin ölümü ilə nəticələnən yol qəzası olub.

"Operativ Media" xəbər verir ki, hadisə rayonun Qaraqollar kəndinin yaxınlığında dağlıq ərazidə qeydə alınıb.

Kəlbəcərə yol çəklişinə yanacaq aparan URAL markalı yanacaq avtomobili idarəetmədən çıxaraq dərəyə aşıb.

Nəticədə F.Huseynov və O.Səmədəov aldıqları ağır xəsarətlərdən hadisə yerində ölüblər.

Faktla bağlı araşdırma aparılır.