Meksika XİN: Azərbaycanla ikitərəfli münasibətləri möhkəmləndirməyə davam edəcəyik

Meksika Azərbaycanla ikitərəfli münasibətlərin möhkəmləndirilməsi üçün əməkdaşlığı davam etdirəcək.

"Operativ Media" xəbər verir ki, bu barədə Meksika Xarici İşlər Nazirliyinin "X" sosial şəbəkəsindəki paylaşımında bildirilib.

"Bu gün Meksika ilə Azərbaycan arasında diplomatik münasibətlərin qurulmasının 33-cü ildönümünü qeyd edirik. Çoxtərəfli səviyyədə dialoqun möhkəmləndirilməsinə və ikitərəfli əlaqələrin daha da genişləndirilməsinə sadiqliyimizi təsdiqləyirik", - nazirlikdə qeyd ediblər.