Ümumdünya Səhiyyə Təşkilatının Avropa üzrə regional direktoru İlham Əliyevə başsağlığı verib

"Operativ Media" xəbər verir ki, məktubda deyilir:

Azərbaycan Respublikasının Prezidenti Zati-aliləri cənab İlham Əliyevə

Zati-aliləri. Dekabrın 25-də baş vermiş təyyarə qəzası nəticəsində insan tələfatı xəbəri məni dərindən kədərləndirdi. Zati-alinizə, həlak olan həmvətənlərinizin ailə üzvlərinə dərin hüznlə başsağlığı verirəm. Mənim qəlbim Azərbaycan xalqının yanındadır. Qəzada yaralananların tezliklə şəfa tapmalarını diləyirəm. Mən Sizinlə və Azərbaycan vətəndaşları ilə birgə bu kədəri bölüşürəm. Cənab Prezident, ən yüksək ehtiramımı qəbul etməyinizi xahiş edirəm.