Albaniyada 4,7 bal gücündə zəlzələ baş verib. Zəlzələ ölkənin müxtəlif bölgələrində hiss olunub.

"Operativ Media" xəbər verir ki, Albaniya Müdafiə Nazirliyindən verilən açıqlamada, Mülki Fövqəladə Hallar üzrə Milli Əməliyyat Mərkəzi və Albaniya Yer Elmləri İnstitutundan alınan məlumata əsasən, zəlzələnin episentrinin Debre vilayətinin Klos şəhərindən 3 kilometr cənubda olduğu qeyd edilib.

Zəlzələnin ölkə daxilində müxtəlif bölgələrdə hiss edildiyi bildirilərək, Klosda bəzi binalara cüzi ziyan dəydiyi vurğulanıb.