XİN sözçüsü Aİ-ni Azərbaycanın daxili işlərinə müdaxilədən çəkinməyə çağırıb

Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə Avropa ittifaqını Azərbaycanın daxili işlərinə uğursuz müdaxilələr həyata keçirməməyə çağırıb.

"Operativ Media" xəbər verir ki, bu barədə XİN rəsmisi "X"də yazıb.

"Avropa İttifaqının Xarici Fəaliyyət Xidməti rəsmilərini Azərbaycanın daxili işlərinə müdaxilələrinin uğursuz olduğunu anlamağa və bəzi Aİ dövlətlərinin daxili problemlərinə diqqət yetirməyə çağırırıq",-o qeyd edib.