İrəvan Bakı ilə sərhədin delimitasiyası üzrə komissiyaların işi haqqında əsasnaməni təsdiq edəcək

Sentyabrın 5-də Ermənistan hökuməti delimitasiya komissiyalarının Azərbaycanla birgə işi haqqında müddəaların ratifikasiyası məsələsinə baxacaq.

"Operativ Media" xəbər verir ki, müvafiq qərar ölkənin Nazirlər Kabinetinin e-gov.am saytında dərc olunub.

Sənəddə qeyd edilib ki, qanun layihəsi hökumət tərəfindən təsdiq edildikdən sonra Konstitusiya Məhkəməsinə, ondan sonra isə respublika parlamentinə göndəriləcək.

Qanun layihəsinə əsasən, Ermənistan və Azərbaycan komissiyaları sərhədlərin delimitasiyası prosesində bütün xəritələrdən, o cümlədən hüquqi əsası olan sənədlərdən istifadə edəcək. Əsasnamə erməni, azərbaycan və rus dillərində tərtib olunub.