Azərbaycan və Rusiya liderləri Bakıda regional gündəliyə dair bir sıra məsələləri müzakirə ediblər

Danışıqlarda (Prezident İlham Əliyevlə - red.) regional gündəliyə dair bir sıra məsələləri müzakirə etdik.

"Operativ Media" xəbər verir ki, bunu Rusiya Prezidenti Vladimir Putin Azərbaycan Prezidenti İlham Əliyevlə mətbuata bəyanatında deyib.

“Danışıqlarda regional gündəliyə dair, təbii ki, Azərbaycanın Xəzər regionunda və Cənubi Qafqazda oynadığı rol nəzərə alınaraq bir sıra məsələlər də nəzərdən keçirildi, aktual beynəlxalq mövzulara da toxunuldu”, - deyən Rusiya Lideri vurğulayıb ki, hər iki ölkə xarici siyasətdə beynəlxalq hüququn aliliyi, suverenlik və daxili işlərə qarışmamaq prinsipini qətiyyətlə müdafiə edir.