Olaf Şolts Serbiya Prezidenti ilə danışıqlar aparacaq

Almaniya kansleri Olaf Şolts iyulun 19-da Belqradda Serbiya prezidenti Aleksandr Vuçiç ilə danışıqlar aparacaq.

"Operativ Media" xəbər verir ki, bu barədə Almaniya Nazirlər Kabinetinin rəsmi nümayəndəsi Şteffen Hebestreyt bildirib.

"Tərəflər ikitərəfli məsələləri, o cümlədən beynəlxalq və Avropa siyasətinin mövzularını müzakirə edəcəklər", - o qeyd edib.

O, əlavə edib ki, Şolts Aİ və Serbiya nümayəndələrinin görüşündə də iştirak edəcək və bu görüşdə ekoloji cəhətdən neytral xammal sahəsində strateji əməkdaşlıq haqqında sazişin imzalanması planlaşdırılır.