Moskva hava limanlarında yağan güclü qar səbəbindən 40-a yaxın reys gecikib və təxirə salınıb

Moskvanın Vnukovo, Domodedovo və Şeremetyevo hava limanlarında güclü qar yağması səbəbindən azı 35 reys gecikib, daha 4 reys təxirə salınıb.

"Operativ Media" xəbər verir ki, bu barədə RİA Novosti məlumat yayıb.

Bildirilir ki, Moskva vaxtı ilə saat 07:24-ə (Bakı vaxtı ilə 08:24) “Vnukovo” hava limanında 14 reys gecikib, 3-ü ləğv edilib, “Domodedovo”da 14 reys gecikib, 1-i ləğv edilib, Şeremetyevoda isə 7 reys gecikib.