Britaniya ukraynalı əsgərlərə təlim keçəcək

“Böyük Britaniya 2023-cü ilin sonuna kimi 50 mindən çox ukraynalı hərbçinin hazırlanmasına vaxt ayırmaq istəyir”.

“Operativ Media" xəbər verir ki, bu barədə TASS məlumat yayıb.

Məlumata görə, bunu Böyük Britaniyanın müdafiə naziri Qrant Şepps bildirib.

O, Hakim Mühafizəkarlar Partiyasının Mançesterdə keçirilən qurultayında qeyd edib ki, Britaniya ukraynalı əsgərlərə F-16 döyüş təyyarələrini mənimsəməkdə kömək edir.

Şepps ümid edirdi ki, ilin sonuna qədər on minlərlə ukraynalı təlim prosesini başa vuracaqlar.