"Azpal" QSC-yə Sumqayıt Kimya Sənaye Parkının rezidenti statusu verilib və rezidentlərin sayı 37-yə çatıb.

"Operativ Media" xəbər verir ki, bu barədə iqtisadiyyat naziri Mikayıl Cabbarov tviterdə bildirib.

Onun sözlərinə görə, şirkət tərəfindən Sənaye Parkının ərazisində investisiya həcmi 58,9 mln. manat olan texniki (metallurji) silisium istehsalı müəssisəsi yaradılacaq və 160 nəfər işlə təmin ediləcək.