Oman Sultanı Prezident İlham Əliyevə təbrik məktubu göndərib

Omanın Sultanı Heytəm bin Tariq Al Səid Prezident İlham Əliyevə məktub ünvanlayıb.

"Operativ Media" xəbər verir ki, məktubda deyilir:

"Azərbaycanın milli bayramı – Müstəqillik Günü münasibətilə Sizə səmimi təbriklərimi çatdırmaqdan məmnunluq duyuram.

Fürsətdən istifadə edərək, Zati-alinizə xoşbəxtlik və möhkəm cansağlığı, dost Azərbaycan xalqına isə davamlı tərəqqi və rifah arzulayıram".