Avropa İttifaqına (Aİ) üzv olan 27 ölkə müharibə səbəbilə bu günə qədər Rusiya Mərkəzi Bankının 200 milyard avrodan çox aktivlərini dondurub.

"Operativ Media" xəbər verir ki, bu barədə Avropa Komissiyasının sözçüsü Kristian Viqand Brüsseldə keçirilən gündəlik mətbuat konfransında Aİ-nin müharibə səbəbiylə indiyə qədər dondurduğu Rusiya Mərkəzi Bankının aktivləri ilə bağlı açıqlamalar verib.

 “Aİ-yə üzv dövlətlər Komissiyaya təqdim edilən Rusiya Mərkəzi Bankının 200 milyard avronu aşan aktivlərini dondurub", - o qeyd edib.

Ukraynaya vurduğu zərərin əvəzini Rusiyanın ödətdirməkdə qərarlı olduqlarına diqqət çəkən Viqand, bu mövzuda işlərin intensiv şəkildə davam etdiyini bildirib.