ABŞ Suriyadakı sonuncu hərbi bazası olan Kasrakdan geri çəkilib

ABŞ-nin geri çəkildiyi Hasekedəki Kasrak Hava Bazası Suriya ordusunun nəzarətinə keçib.

Operativ Media xəbər verir ki, bu barədə "TRT Haber" məlumat yayıb.

Bildirilib ki, ABŞ ordusu Suriyanın şimal-şərqindəki Haseke kəndindəki son hərbi bazası olan Kasrakdan geri çəkilir.

ABŞ qoşunları Haseke əyalətindəki Tel Tamer xətti yaxınlığındakı Kasrak bazasından təxliyəyə başlayıb.

Bazadan hərbi texnika daşıyan onlarla logistika yük maşını karvanlarla İraq sərhədinə doğru hərəkət edib.

 ABŞ qüvvələri geri çəkildikdən sonra YPG terror təşkilatı ilə əlaqəli ünsürlər bazanın içərisindəki bəzi nəqliyyat vasitələrini yandırıblar.