Qazaxıstan Prezidenti Kasım-Jomart Tokayev Antalya Diplomatik Forumunda iştirak edəcək.

Operativ Media xəbər verir ki, bu barədə Tokayev Türkiyənin vitse-prezidenti Cevdet Yılmazla görüşündə bildirib.

Görüşdə həmçinin iki ölkə arasında ticarət, iqtisadi, mədəni və humanitar əlaqələrin genişləndirilməsi perspektivləri müzakirə olunub.

Xüsusilə, emal sənayesi, infrastruktur, enerji, logistika, kənd təsərrüfatı, təhsil və turizm sahələrində birgə layihələrin həyata keçirilməsinin mümkünlüyü qeyd edildi. Tərəflər həmçinin Yaxın Şərqdəki vəziyyət də daxil olmaqla, mövcud beynəlxalq gündəm barədə fikir mübadiləsi aparıblar.