Qlobal neft tələbatı 2026-cı ildə gündə 1,4 milyon barel (b/g) artaraq 106,53 milyon barelə çata bilər.

Operativ Media xəbər verir ki, bu barədə Neft İxrac Edən Ölkələr Təşkilatının (OPEC) hesabatında bildirilib.

OPEC 2027-ci ildə neftə tələbatın 1,34 milyon barel artaraq 107,87 milyon barelə çatacağını gözləyir.

Beləliklə, təşkilat 2026 və 2027-ci illərdə neftə tələbatın artımı ilə bağlı proqnozunu əvvəlki qiymətləndirməsindən dəyişməz saxlayıb.