Vaşinqton beynəlxalq normalara riayət edərsə və Tehranın "qırmızı xətlərini" nəzərə alarsa, İran ABŞ ilə ədalətli saziş bağlaya bilər.

Operativ Media xəbər verir ki, bunu İran Prezidenti Məsud Pezeşkian rusiyalı həmkarı Vladimir Putinlə söhbəti zamanı bildirib.

"İran İslam Respublikası regionda sülhü və davamlı təhlükəsizliyi təmin edən balanslı və ədalətli razılaşmaya nail olmağa tam hazırdır. Əgər ABŞ beynəlxalq hüquqi çərçivələrə sadiq qalsa, sazişin əldə olunması tamamilə mümkündür", - deyə o, qeyd edib.