Tramp: İranla danışıqlarda nüvə məsələsi hələ də həll olunmayıb

ABŞ Prezidenti Donald Tramp bəyan edib ki, Amerika və İran nümayəndə heyətləri İslamabadda problemli mövzuların əksəriyyəti üzrə razılığa gəlsələr də, nüvə məsələsi həll olunmamış qalıb.

Operativ Media xəbər verir ki, o, bu haqda "Truth Social" platformasında yazıb.

​"Görüş yaxşı keçdi, məsələlərin çoxu razılaşdırıldı, lakin yeganə həqiqətən vacib məqam — nüvə məsələsi açıq qaldı", — deyə ABŞ lideri qeyd edib.

​Tramp əlavə edib ki, danışıqlar təxminən 20 saat davam edib və əldə olunan razılaşmalar "hərbi əməliyyatın davam etməsindən daha yaxşıdır". Lakin prezidentin sözlərinə görə, İranın nüvə ambisiyaları səbəbindən bu nəticələrin heç bir əhəmiyyəti yoxdur.