Bakıda voleybol məşqçiləri üçün beynəlxalq seminar təşkil olunacaq

Bakıda voleybol məşqçiləri üçün beynəlxalq seminar keçiriləcək.

Operativ Media xəbər verir ki, Beynəlxalq Voleybol Federasiyasının (FIVB) Level 2 seminarı 25-29 may tarixlərində Azərbaycan Voleybol Federasiyası (AVF) tərəfindən təşkil olunacaq. Seminara FIVB-nin məşqçi-instruktoru, professor türkiyəli Cengiz Akarçeşme rəhbərlik edəcək.

FIVB-nin müəyyən etdiyi şərtlərə əsasən, Level-1 kursunu ən azı 2 il öncə keçmiş mütəxəssislər seminara qatıla bilərlər. Namizədlər ingilis dilini bilməli, həmçinin sağlamlıq vəziyyəti, fiziki hazırlıq səviyyəsi və məşqçilik bacarıqları ilə tələblərə cavab verməlidirlər.

Tələblər:

•Yerli federasiyanın məşqçi sertifikatı

•Aktiv məşqçilik təcrübəsi

•Şəkilli CV

•Yerli federasiyadan təqdimat məktubu

•Pasportun surəti

Xahiş olunur ki, bütün sənədlər 15 aprel 2026-cı il tarixinədək qeyd olunan e-mail ünvanına göndərilsin – [email protected].

Qeydiyyat üçün FIVB qeydiyyat formasını (C-C3) doldurmaq lazımdır: Sözügedən forma yerli federasiya tərəfindən təstiq edilməlidir.