"Yuventus" amerikalı futbolçu ilə müqavilə yenilədi

"Yuventus" mərkəz yarımmüdafiəçisi Veston Makkenni ilə müqaviləni uzadıb.

Operativ Media xəbər verir ki, bu barədə Turin klubunun rəsmi saytı məlumat yayıb.

Yeni sözləşməyə əsasən Makkenni 2030-cu ilin yayına qədər "qoca sinyora"nın formasını geyinəcək.

Qeyd edək ki, 27 yaşlı amerikalı 2020-ci ildən Turin klubunda çıxış edir. Yarımmüdafiəçi "Yuventus"un heyətində meydana çıxdığı 220 oyunda 26 qol vurub və 26 məhsuldar ötürmə edib. Bu mövsüm isə Makkenninın aktivində 38 oyunda 8 qol və 7 məhsuldar ötürmə var.