Fransanın PSJ klubu UEFA Çempionlar Liqasının 1/8 mərhələsi çərçivəsində Almaniyanın “Bayern” komandasına iki oyunun nəticəsinə görə uduzaraq (0:1, 0:2) mübarizəni dayandırması azmış kimi, kapitanı Markinyosu da itirib.

"Operativ Media" xəbər verir ki, braziliyalı futbolçu ötən gecə Münhendə baş tutan cavab qarşılaşmasının birinci hissəsində sıradan çıxıb.

Bu üzdən də o, 36-cı dəqiqədə əvəzlənmək məcburiyyətində qalıb. 28 yaşlı mərkəz müdafiəçisinin zədəsinin nə dərəcədə ciddi olduğu ətraflı müayinələrdən sonra müəyyənləşəcək.