Futbol üzrə Braziliya A seriyasında çempion müəyyənləşib.

Operativ Media xəbər verir ki, "Qarabağ"ın sabiq hücumçusu Juninyonun çıxış etdiyi “Flamenqo” çempionatın qalib olub.

Komanda 37-ci turda “Seara”nı 1:0 hesabı ilə məğlub edərək sona bir tur qalmış qızıl medalları təmin edib. “Flamenqo” ikinci sıradakı “Palmeyras”ı 5 xal qabaqlayır.

Rio-de-Janeyro təmsilçisi tarixində 9-cu dəfə Braziliya çempionu olub.

Xatırladaq ki, "Flamenqo" noyabrın 30-da Libertadores kubokunu da qazanıb.