"Mayor A.N. Bakı həbsxanalardan birində olarkən xarici xüsusi xidmət orqanları ilə əməkdaşlığa razılıq verib".

"Operativ Media" xəbər verir ki, bu barədə Ermənistan Baş Prokurorluğunun ittiham aktında bildirilib.

Söhbət 2021-ci ilin iyulunda Qara Göl bölgəsində əsir düşən iki erməni əsgərindən birindən gedir. İstintaqın məlumatına görə, mayor A.N.  Ermənistana təhvil verildikdən sonra hərbi hissələrdən birinə əməliyyat xidmətinin rəisi təyin edilib. Daha sonra 20 min dollardan çox pul alaraq məxfi məlumat ötürməyə başlayıb.

İş məhkəməyə göndərilib.