"Mançester Siti"nin baş məşqçisi Xosep Qvardiola komandanın yarımmüdafiəçisi Fil Fodenin güclü tərəflərindəb danışıb.

Operativ Media xəbər verir ki, o, bu haqda klubun mətbuat xidmətinə açıqlamasında deyib.

“Mən ümid edirəm ki, o, karyerasının sonuna qədər klubda qalacaq. O, xüsusi oyunçudur. Akademiya dövründən bəri ‘Mançester Siti’nin azarkeşidir, buna heç bir şübhəm yoxdur. Kapitanlığa gəlincə, əgər o, bunu istəyirsə, bəli – mümkündür. O, həmişə meydanda lider olub. Soyunub-geyinmə otağında çox danışan biri deyil, amma meydanda heç vaxt məsuliyyətdən qaçmayıb. Meydanda inanılmaz xarizmaya malikdir”, – deyə Qvardiola qeyd edib.

Bu mövsüm 25 yaşlı ingilis futbolçu bütün turnirlərdə 17 oyuna çıxıb, 6 qol vurub və 3 məhsuldar ötürmə edib.