Həbib Ağayevin baş məşqçisi olduğu 19 yaşadək qadın futbolçulardan ibarət millimiz Avropa çempionatının seçmə mərhələsində bu gün sonuncu matçına çıxacaq.

Operativ Media xəbər verir ki, B Liqasının V qrupunda yer alan komandamız Gürcüstandan olan həmyaşıdları ilə üz-üzə gələcək.

Şimali Makedoniyanın Strumitsa şəhərindəki "Kukus" stadionunda baş tutacaq qarşılaşmanın start fiti Bakı vaxtı ilə saat 15:00-da səslənəcək.

Qeyd edək ki, U-19 daha əvvəl qrupda keçirdiyi görüşlərdə Sloveniya 0:2, Şimali Makedoniyaya isə 1:3 hesabı ilə uduzub.