Türkiyə xarici işlər naziri Hakan Fidan ABŞ dövlət katibi Marko Rubio ilə görüşüb.

Operativ Media xəbər verir ki, görüş 61-ci Münhen Təhlükəsizlik Konfransı çərçivəsində baş tutub.

Bildirilib ki, tərəflər Suriya və Qəzzadakı son durum barədə danışıblar.

H.Fidan Qəzzadakı atəşkəsin daimi olmasının zəruriliyinə diqqət çəkib.

Onun fikrincə, regional sülh üçün İsrail-Fələstin münaqişəsi həllini tapmalıdır.

Diplomatlar həmçinin Şərqi Avropakı vəziyyət barədə də fikir mübadiləsi aparıblar. Onlar tərəflər arasındakı mümkün sülh barədə danışıblar.

Fidanla Rubio eyni zamanda qarşılıqlı maraq doğuran digər məsələlər haqqında müzakirə aparıblar. Onlar müdafiə sənayesi də daxil olmaqla qarşılıqlı ticarətin inkişafı barədə danışıblar.

Qeyd edək ki, bu, M.Rubionun ABŞ dövlət katibi kimi H.Fidanla ilk görüşüdür.