Ukrayna və Böyük Britaniya müdafiə qabiliyyətinin inkişafı haqqında saziş imzalayıb. Saziş silahların tədarükü, təmiri və istehsalını nəzərdə tutur.

"Operativ Media" xəbər verir ki, bu barədə Ukrayna Prezidentinin dəftərxanası məlumat yayıb. 

Sənəd müdafiə sektorunda Ukrayna-Britaniya layihələrini işə salmağa imkan verir. Söhbət xüsusilə hava hücumundan müdafiə sistemlərinin, zirehli texnikanın və döyüş sursatlarının tədarükü, təmiri və qismən istehsalından gedir.

Müqavilə Britaniya tədarükçülərinin Ukrayna ilə 2 milyard funt-sterlinq (2,5 milyard dollardan çox) məbləğində kredit müqavilələri və başqa müqavilələr imzalaya biləcəyini nəzərdə tutur. Bu məbləğ sonradan artırıla bilər. Kreditin qaytarılma müddəti 15 ildir.