Karlo Ançelottinin Braziliya millisinin baş məşqçisi kimi aldığı maaş bəlli olub.

Operativ Media "Globo Esporte"yə istinadən xəbər verir ki, 65 yaşlı italyan illik 10 milyon avro qazanacaq. O, "Real Madrid"də təxminən eyni maaşı alır.

Ançelotti DÇ-2026-nın qalibi olsa, 5 milyon avro mükafat alacaq.

Mayın 12-də Braziliya Futbol Konfederasiyası 2024/25 mövsümünün sonunda Madrid komandasını tərk edəcək mütəxəssislə müqavilə imzaladığını açıqlayıb.