Qusarda “Hummer” aşıb - VİDEO

Fevralın 6-da Qusarda “Hummer” markalı avtomobil aşıb.

Operativ Media yerli KİV-ə istinadən xəbər verir ki, hadisə ilə bağlı görüntülər sosial şəbəkələrdə yayılıb.

Bildirilib ki, Laza kəndi ərazisində - Şahdağa gedən yolda yolsuzluq avtomobili buzlu yolda idarəetmədən çıxaraq banı üzərinə aşıb.

Hadisə nəticəsində xəsarət alanın olmadığı bildirilib.

Avtomobilin sahibi qəzadan sonra maşını hadisə yerində qoyaraq uzaqlaşıb.