Çindəki Şuanqhe mağarasında yaşı 100 min il olduğu bildirilən panda fosillərinin tapıldığı açıqlanıb.

"Operativ Media" xəbər verir ki, Çinin Quizhou əyalətində Asiyanın ən uzun, dünyanın isə 3-cü ən uzun mağarası olan Şuanqhe mağarasında panda qalıqlarının tapıldığı bildirilib.

2003-cü ildən bəri çoxlu panda fosilinin aşkar edildiyi Şuanqhe mağarasında yaşı 100 min il olduğu təsbit edilən 46 nəhəng panda fosili tapılıb.

Tədqiqatçılar 2003-cü ildən bəri geoloji möcüzə adlandırılan Şuanqhe mağarasından çoxlu panda qalıqları aşkar ediblər. Aşkar edilmiş qalıqların Buz dövrünün sonunda nəhəng panda populyasiyasının genetik təkamül tarixini və fərdi səviyyəli təkamül prosesini anlamaq üçün nadir nümunə ola biləcəyi düşünülür.