Muğlanın Marmaris və Fethiye rayonlarında xilasedici sallarda olan 27 qeyri-qanuni mühacir xilas edilib, 44-ü isə yaxalanıb.

"Operativ Media" xəbər verir ki, Sahil Mühafizə Komandanlığının saytında yer alan açıqlamaya görə, Marmaris sahillərində xilasedici sallarda qeyri-qanuni mühacirlərin olması xəbəri üzərinə bölgəyə qruplar göndərilib.

Əməliyyat zamanı aralarında 15-i uşaq olmaqla 27 qanunsuz miqrant xilas edilib.

44 qeyri-qanuni mühacir və 2 şübhəli isə yaxalanıb.

Xarici vətəndaşlar əməliyyatlarının ardından İmmiqrasiya İdarəsi Müdirliyinə təhvil verilib.