Mixail Qaluzin və onun türkiyəli həmkarı Mehmet Kamal Bozay arasında məsləhətləşmələr aparılıb.

"Operativ Media" xəbər verir ki, bu barədə Rusiya Xarici İşlər Nazirliyi məlumat yayıb.

Bildirilib ki, məsləhətləşmələr zamanı Ukrayna ətrafındakı münaqişə, eləcə də Cənubi Qafqaz və Mərkəzi Asiyada vəziyyətlə bağlı qarşılıqlı maraq doğuran məsələlər ətrafında əsaslı fikir mübadiləsi aparılıb.

Ankaranın “3+3” Məşvərətçi Regional Platformasına (Azərbaycan, Ermənistan, Gürcüstan və Rusiya, İran, Türkiyə) hazırkı sədrliyi nəzərə alınmaqla, Rusiya-Türkiyə əməkdaşlığı əhval-ruhiyyəsi təsdiqlənib.

Qeyd olunub ki, müzakirə konstruktiv atmosferdə keçib.