Serbiya Prezidenti Aleksandar Vuçiç ölkədə məcburi hərbi xidmətin 75 gün olacağını açıqlayıb.

"Operativ Media" xarici KİV-ə istinadən xəbər verir ki, Vuçiç Serbiyada məcburi hərbi xidmətin 75 gün olması ilə bağlı Müdafiə Nazirliyinin təqdim etdiyi təklifi qəbul etdiyini bildirib. Prezident, Serbiyanın güclü bir orduya ehtiyacı olduğunu və hökumətin də bu təklifi qəbul edəcəyinə ümid etdiyini vurğulayıb.

Aleksandar Vuçiç bu addımın hər hansı bir ölkəyə hücum məqsədini daşımadığını qeyd edib.