Türkiyə Xarici İşlər Nazirliyi Əfqanıstandakı terror aktını qınayıb.

"Operativ Media" xəbər verir ki, bu barədə Türkiyə XİN-nin yaydığı bəyanatda deyilir.

"Bu gün (13 sentyabr) Əfqanıstanın Dəykundi vilayətində baş vermiş terror hücumu nəticəsində həlak olanlar və yaralananların olduğunu dərin hüznlə öyrəndik.

Bu mənfur hücumu qətiyyətlə pisləyirik. Hücumda həyatını itirənlərə Allahdan rəhmət, yaralılara təcili şəfa diləyirik və dost, qardaş Əfqan xalqına başsağlığı veririk", - bəyanatda deyilir.