Çinin xarici işlər naziri Vanq Yi və onun indoneziyalı həmkarı Retno Marsudi Vyantyanda keçirilən görüşdə Asiya-Sakit okean regionunda sabitlik və rifahı birgə təşviq etməyə hazır olduqlarını bildiriblər.

"Operativ Media" xəbər verir ki, bu barədə Çin Xarici İşlər Nazirliyi məlumat yayıb.

“Tərəflər bəyan ediblər ki, sıx təmasları davam etdirəcəklər, Çin-İndoneziya taleyüklü icmasının formalaşmasını daha da dərinləşdirəcəklər və birlikdə regionda sabitlik və rifahı təmin edəcəklər”, - Çin Xarici İşlər Nazirliyinin saytında deyilir.