Azərbaycan Mərkəzi Bankı (AMB) maaş və pensiya kartları bazarında rəqabətin artırılması istiqamətində yeni mexanizmlər hazırlayır.

Operativ Media xəbər verir ki, bunu Mərkəzi Bankın sədri Taleh Kazımov Azərbaycan Dövlət Televiziyasına və APA İnformasiya Agentliyinə müsahibəsində bildirib.

Onun sözlərinə görə, maaş və pensiya kartları üzrə yeni yanaşmaların sentyabr-oktyabr aylarında tətbiqinə başlanılacaq.

Kazımov qeyd edib ki, hazırda bununla bağlı texniki işlər aparılır və yeni mexanizmlərin bazarda rəqabətliliyin artmasına təkan verəcəyi gözlənilir.