Qazaxıstan XİN Azərbaycana təşəkkür edib
Qazaxıstanın xarici işlər naziri Yermek Koşerbayev Azərbaycan, Qırğızıstan, Tacikistan, Türkmənistan və Özbəkistanın xarici siyasət idarələrinin rəhbərləri ilə telefon danışığı aparıb.
Operativ Media xəbər verir ki, tərəflər Yaxın Şərqdə mövcud hərbi-siyasi vəziyyəti müzakirə edib və böhran şəraitində fəaliyyətlərin sıx koordinasiyasının zəruriliyini vurğulayıblar.
Qazaxıstan XİN başçısı qazaxıstanlıların İrandan təxliyəsi ilə bağlı məsələlərdə göstərdiyi konstruktiv əməkdaşlığa və yardıma görə Azərbaycana minnətdarlığını bildirib.
Həmçinin qeyd olunub ki, Yaxın Şərqdə gərginliyin artması fonunda Qazaxıstan XİN və ölkənin xaricdəki diplomatik nümayəndəlikləri gücləndirilmiş iş rejiminə keçib.
XİN-in məlumatına görə, hazırkı ana qədər xəsarət alan Qazaxıstan vətəndaşları barədə məlumat daxil olmayıb.
