İran Aİ və Böyük Britaniyanın Tehrana qarşı yeni sanksiyalarını pisləyib və Rusiyaya ballistik raketlər verməsini təkzib edib.

"Operativ Media" xəbər verir ki, bu barədə İran Xarici İşlər Nazirliyinin sözçüsü İsmaeil Baqai "X"də bildirib.

Avropa İttifaqı ötən gün İranın Rusiyaya ballistik raket ötürmələri ilə əlaqəsi olan "İran Air" aviaşirkəti də daxil olmaqla, yeddi nəfərə və yeddi təşkilata sanksiya tətbiq etməyə razılaşıb.

Siyahıya həmçinin "Saha Airlines" və "Mahan Air" və İranın müdafiə nazirinin müavini Seyid Hamzeh Ghalandari daxildir.