Rusiya Federasiyasının Baş naziri Mixail Mişustin Ermənistana səfər edib.

"Operativ Media" xəbər verir ki, Rusiya Nazirlər Kabineti rəhbərinin təyyarəsi Zvartnots hava limanına enib.

Oktyabrın 1-də Mişustin Avrasiya İqtisadi İttifaqı (Aİİ) ölkələrinin digər hökumət başçıları ilə birlikdə Avrasiya Hökumətlərarası Şurasının iclasında və Avrasiya İqtisadi Forumunun (EEF) plenar iclasında iştirak edəcək.

Rusiyanın baş naziri Aİİ ölkələrindən olan həmkarları ilə birlikdə sənaye əməkdaşlığı sahələrini, xüsusilə idxalın əvəzlənməsi məsələlərini müzakirə edəcək.

EEF-in plenar sessiyası müasir reallıqlarda rəqəmsallaşmaya həsr olunacaq.