Sentyabrın 17-dən 24-ə qədər olan həftə ərzində 90 mindən çox insan Livanın cənubundakı evlərini tərk edərək ölkənin digər bölgələrinə sığınmaq məcburiyyətində qalıb.

"Operativ Media" xəbər verir ki, BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyi məlumat yayıb.

Məlumata görə bu, İsrail və Hizbullah arasında silahlı münaqişənin kəskin artmasından sonra baş verib.

Beynəlxalq Miqrasiya Təşkilatının məlumatına görə, 17-24 sentyabr tarixləri arasında 90 530 nəfər məcburi köçkün vəziyyətinə düşüb.