İsrailin Baş naziri Benyamin Netanyahu Livan sakinlərini Hizbullahın bazalarını tərk etməyə çağırıb.

“Operativ Media” xəbər verir ki, bu haqda İsrail Baş nazirinin mətbuat xidməti məlumat yayıb.

“Livan xalqına bir çağırışım var. İsrail sizinlə yox, Hizbullahla müharibə aparır. Çox uzun müddətdir ki, Hizbullah sizdən canlı qalxan kimi istifadə edir. O, sizin evinizə və qarajlarınıza raketlər qoydu. Bu raketlər və mərmilər birbaşa şəhərlərimizə və vətəndaşlarımıza yönəlib. Xalqımızı Hizbullah hücumlarından qorumaq üçün bu silahları aradan qaldırmalıyıq”, - Netanyahu bildirib.