Yunanıstan sahil mühafizəsi Egey dənizində 52 miqrantı xilas edib.

Operativ Media xəbər verir ki, bir miqrant dənizdə itkin düşüb.

Məlumata görə, miqrantlar Avropa Birliyi ölkələrinə getmək üçün Türkiyə və ya Liviyadan Yunanıstana doğru istiqamət alıblar.

Bu ayın əvvəlində Krit sahillərində miqrant qayığında 17 nəfərin meyiti tapılıb. Daha 15 nəfər itkin düşüb.

Qeyd edək ki, qayıq Liviyanın Tobruk limanından yola düşmüşdü və qurbanların əksəriyyəti sudanlı və ya misirlidir.