"Zirə"nin Konfrans Liqasındakı rəqibi "Hayduk"un xorvatiyalı futbolçusu İvan Rakitiç karyerasını bitirib.

Operativ Media xəbər verir ki, bu haqda "Hayduk"un baş məşqçisi Qonzalo Qarsiya "Nova TV"ə açıqlamasında bildirib.

Rakitiç "Hayduk" klubunda çalışmağa davam edəcək.

Əfsanəvi Xorvatiya millisinin üzvü, “Barselona” və “Sevilya”nın keçmiş futbolçusu Rakitiç peşəkar karyerasına 20 il əvvəl “Bazel”in ikinci komandasında başlayıb. 2007-ci ildə əsas komandaya yüksəlib və elə həmin il Almaniyanın "Şalke"sinə keçib

O, 2006/07 mövsümündə "Bazel"in heyətində İsveçrə kubokunu qazanıb. Bundesliqadakı dörd il onun İspaniyaya keçidi üçün başlanğıc olub

İlk dəfə "Sevilya"da parlayıb, sonra "Barselona"da karyerasının zirvəsinə çatıb.