İranın padel komandasında çıxış edən Parsa Mənsur İsrailin hücumu nəticəsində həlak olub.

Operativ Media xəbər verir ki, bu barədə İran Tennis Federasiyasının mətbuat xidməti məlumat yayıb.

İdmançı məşqdən sonra evə qayıdarkən həyatını itirib.

Bundan əvvəl İsrail hakimiyyəti İrana, o cümlədən ölkənin müxtəlif bölgələrindəki nüvə obyektlərinə zərbələr endirdiyini açıqlamışdı. İsrailin baş naziri Benyamin Netanyahu bu əməliyyatın məqsədinin İranın nüvə proqramını pozmaq olduğunu bildirib və zərbələrin davam edəcəyi ilə bağlı xəbərdarlıq edib.