"Cenoa"nın hücumçusu Mario Balotelli karyerasını ABŞ-də davam etdirmək istəyir.

Operativ Media xəbər verir ki, bu haqda jurnalist Nikolo Şira futbolçudan sitat gətirib.

"Cenoa" yanlış seçim idi. Azarkeşlərə dəstəyə görə təşəkkür edirəm. Təqaüdə çıxana qədər daha iki-üç il oynamaq istərdim. Harada? Mən ABŞ-ni xəyal edirəm", - deyə Balotelli bildirib.

İtalyanın klubla müqaviləsi 30 iyun 2025-ci ildə başa çatır.

Balotelli "Cenoa"ya oktyabrın sonunda keçib. Bu müddət ərzində 34 yaşlı forvard A Seriyasında 6 oyun keçirib və bu oyunlarda qol vurmayıb.

"Transfermarkt" Balotellinin dəyərini 500 min avro qiymətləndirir.