"Benfika"nın müdafiəçisi Alvaro Karrerasın "Real Madrid"ə keçməyə razılaşıb .

Operativ Media xəbər verir ki, bu barədə insayder Fabrizio Romano məlumat yayıb.

Mənbənin məlumatına görə, klublar hələ 22 yaşlı ispaniyalı ilə bağlı danışıqlar aparmayıb. "Real Madrid" mayın 25-də "Benfika"nın "Sportinq"lə qarşılaşacağı Portuqaliya kubokunun finalından sonra klub ilə əlaqə saxlamağı planlaşdırır.

Karreras bu mövsüm bütün turnirlərdə 49 oyun keçirib, 4 qol vurub və 5 məhsuldar ötürmə edib.

"Transfermarkt" onun dəyərini 28 milyon avro qiymətləndirir.