Azərbaycan ötən il dövlət istiqrazları üzrə ödənişlərinin məbləğini açıqlayıb

2024-cü ildə Azərbaycanın daxili maliyyə bazarında dövlət istiqrazlarının yerləşdirilməsindən əldə olunan vəsait hesabına əvvəlki illərdə buraxılmış dövlət istiqrazları üzrə vaxtı çatmış 1 milyard 888,7 milyon manat məbləğində əsas borc ödənişləri investorlara geri qaytarılıb.

Operativ Media bu barədə Maliyyə Nazirliyinə istinadən xəbər verir.

"Bununla yanaşı, hesabat dövründə investorlara 170,3 milyon manat məbləğində faiz və diskont ödənişləri həyata keçirilib", - deyə məlumatda qeyd olunub.